Афғонистонда масжидда юз берган портлашлар натижасида 17 киши ҳалок бўлди

Фото: REUTERS / Omar Sobhani

Афғонистоннинг Нангарҳор вилоятидаги масжид биносида жума намози вақтида содир бўлган портлаш оқибатида камида 17 киши ҳалок бўлди.

TOLO News телеканалининг хабар беришича, яна бир неча киши жароҳатланган.

Аввалроқ Пажвак агентлиги жума намози вақтида Хаска Мино туманидаги масжид биносига ракеталар келиб урилганлиги ҳақида хабар қилганди. Агентликнинг қайд этишича, портлаш оқибатида масжид томи ўпирилиб тушган.

Ҳозирча портлаш учун жавобгарликни ҳеч бир гуруҳ ўз зиммасига олмаган.