Туркияда меҳмонхоналарда турганлик учун солиқ пайдо бўлиши мумкин

Туркияда одамларни жойлаштирувчи барча объектлар, жумладан оммабоп курортлардаги меҳмонхоналарда янги солиқ пайдо бўлиши мумкин. 

Мутахассисларнинг фикрича, янги солиқ “яшаганлик учун солиқ” деб номланса-да, Европа давлатларида қабул қилинган туристик йиғим ҳисобланмайди. Тахмин қилинишича, йиғим мижозларни жойлаштириш ва уларга кўрсатилган барча хизматлар - овқатланиш, СПА, кўнгилочар тадбирлар, анжуманларни ташкиллаштиришнинг тўлиқ нархидан меҳмонхона бюджетига ўтказилади.  

Меҳмонхона ва қабул қилувчи компаниялар вакилларининг маълум қилишича, янги қоидалар 2020 йил 1 апрелдан кучга кириши, солиқ қиймати эса мижозларга кўрсатилган хизматларнинг умумий нархидан 1 фоизни, 2021 йилдан эса 2 фоизни ташкил қилиши мумкин.

Экспертларнинг таъкидлашича, солиқлар ошгани кейинги мавсумда турпакетлар нархига таъсир қилмайди, чунки отельерлар 2020 йил учун нахрларни эълон қилиб бўлишган, аксарият туроператорлар эса кейинги ёз учун йўлланмаларни сотишни бошлаб юборишган. 

Бироқ 2021 йилдан “яшаганлик учун солиқ” йўлланмаларнинг камида 2 фоизга ошишига олиб келиши мумкин.