Тошкентда 4та машина иштирокида ЙТҲ содир бўлди

Интернет тармоғида пойтахтдаги Гидрометмарказ яқинида содир бўлган йўл-транспорт ҳодисаси акс этган суратлар тарқалди.

Тошкент ИИББнинг маълум қилишича, 2019 йил 18 ноябрь куни соат 10:40да Осиё ва Чингиз Айтматов кўчалари кесишмасида 29 ёшли Д.К. бошқарган Spark русумли автомобиль светофорнинг тақиқловчи ишорасига тўхтаган уч нафар машиналарга тўқнашган. 

Автомобиллардан бири, ўз навбатида, олдида турган Matiz’га урилган. ЙТҲ сабаби: Д.К.нинг айтишича, автомобилининг тормоз тизими ишдан чиққан. Ҳодиса туфайли ҳеч ким жабр кўрмади.

“Ҳурматли ҳайдовчилар! Транспорт воситангизнинг техник ҳолатига эътиборлироқ бўлинг. Айниқса об-ҳаво совуқлигида. Ҳавони совиб бориши билан тормоз масофаси узайиб боришини унутманг. Йўлларда ўзингизни эҳтиёт қилинг!” - дейилади ИИББ маълумотида.