Япония, Филиппин ва Германия табиий офатлардан энг кўп зарар кўрган мамлакатлар бўлди. Бу ҳақда мустақил экспертларнинг Germanwatch Climate Risk Index 2020 йиллик ҳисоботида маълум қилинди.
Ҳисобот табиий офатларнинг мамлакат ижтимоий-иқтисодий йўналишларига қандай таъсир қилгани баҳоланган ишончли маълумотлар асосида тайёрланган.
"Япония, Филиппин ва Германия 2018 йилда табиий офатлардан энг кўп зарар кўрган мамлакатлар орасида етакчи бўлди", - дейилади ҳисоботда.
Ҳисобот муаллифларининг маълум қилишича, энг кўп зарар кўрган мамлакатлар ўнлигига шунингдек, Мадагаскар, Ҳиндистон, Шри-Ланка, Кения, Руанда, Канада ва Фижи кирди.
Маблағ кўринишида энг кўп зарарни Ҳиндистон ва Япония кўрган (37 ва 35 миллиард доллар). Энг кўп ўлим ҳолати Ҳиндистонда қайд этилган - 2081 киши, Германии ва Япония кейинги ўринларда - 1,2 мингдан ортиқ.
