«Наполи» клуби Женнаро Гаттузо бош мураббий қилиб тайинланганини эълон қилди.
41 ёшли мутахассис бу лавозимда Карло Анчелотти ўрнини эгаллади.
#WelcomeGattuso 💙 #ForzaNapoliSempre pic.twitter.com/dzmNApimTX
— Official SSC Napoli (@sscnapoli) December 11, 2019
Аввалроқ, Гаттузо неаполликлар билан 1,5 йиллик шартномани имзолаши ва мавсум охирига қадар 1,5 млн евро маош олиши, шунингдек, агар Чемпионлар Лигаси йўлланмаси қўлга киритилса, битим яна 1 мавсумга узайтирилиши, маоши эса 3 млн евро қилиб белгиланиши ҳақида хабарлар тарқалган эди.
А Сериянинг бу мавсумида «Наполи» 21 очко билан 7-ўринни эгаллаб турибди.
Гаттузо мураббийлик фаолиятида «Милан», «Палермо», «Пиза», ОФИ ва «Сьон» клубларини бошқарган.
