Бензин ишлаб чиқариш камайди

Фото: Максим Троицкий

Давлат статистика қўмитаси хабарига кўра, 2019 йилнинг январь-ноябрь ойларида республикада автомобиль бензини ишлаб чиқариш ҳажми ўтган йилнинг шу даврига нисбатан камайди.

Қайд этилишича, 2018 йилнинг шу даврида 1 053,0 минг тонна бензин ишлаб чиқарилган бўлса, 2019 йилда - 926,2 минг тонна.

Дизель ёқилғисини ишлаб чиқариш ҳажмида ҳам пасайиш кузатилди. 2018 йилда 985,7 минг тонна дизель ишлаб чиқарилган бўлса, 2019 йилда - 930,8 минг тонна.

Шу билан бирга, Ўзбекистон 2019 йил январь-ноябрь ойларида нефть қазиб олишни 2018 йилнинг шу даврига нисбатан (684,4 минг тонна) қисқартирди - 640,1 минг тоннагача.

2019 йил январь-ноябрь ойларида табиий газ қазиб олиш қарийб 54,3 миллиард куб метрни ташкил этди, бу 2018 йилнинг шу даврига нисбатан кам (54,9 миллиард куб метр).

2019 йил январь-ноябрь ойларида Ўзбекистон 1,91 миллион тоннадан ортиқ газ конденсати қазиб олди, бу 2018 йилнинг шу даврига нисбатан кам (1,95 миллион тонна).

Тайёрлаган: Отабек Матназаров

#статистика #бензин