Қўшимча функционаллар
-
Тунги кўриниш
Трамп АҚШ байроғини топташдан бош тортган эронликларни мақтади
АҚШ президенти Дональд Трамп эронлик намойишчиларни АҚШ байроғини топташдан бош тортганлари учун мақтади.
“Қойил! Ажойиб эронлик намойишчилар бизнинг буюк байроғимизни топташ ёки таҳқирлашдан бош тортишди. Байроғимизни топташ учун кўчага қўйишганди, бироқ улар уни айланиб ўтишди. Катта тараққиёт!”, деб ёзган Трамп твиттерда.
Эронда АҚШ ва Исроил байроқлари одамлар уларнинг устидан ўтиши учун кўчада чизиб қўйилган. Бироқ намойишчиларнинг аксарияти байроқлар тасвирлари устидан юришни исташмаган. Улар “Бизнинг душман АҚШ эмас, бизнинг душман шу ерда”, деб ҳайқиришган.
Iranian protestors refuse to walk over Israeli and American flag, shaming the few who did chanting “you have no honor” #iran #Protest #Israel #USA pic.twitter.com/uLTWe1icr3
— Obaidi (@Mohamed_Obaidi) January 13, 2020
Эронда Украинанинг Boeing 737-800 йўловчи самолёти уриб туширилгани билан боғлиқ ҳолда ҳукуматга қарши норозилик намойишлари бўлиб ўтмоқда. Намойишлар Ислом инқилоби муҳофизлари корпуси самолёт ҳалокати учун жавобгарликни ўз зиммасига олгандан кейин бошланган.
Аввалроқ Трамп эронлик намойишчиларни форсчада қўллаб-қувватлаб, уларни жафокаш, бироқ жасур халқ деб атаганди.
Қосим Сулаймонийнинг ўлдирилиши
