Лукашенко Москва газ нархи борасида Беларусни алдаганини айтди

Россия «Белтрансгаз»ни сотиб олаётганида Беларусни Россиядаги ички нархларга «олиб келишни» ваъда қилганди, деди мамлакат президенти Александр Лукашенко.

Фото: Михаил Метцель / ТАСС

"Белтрансгаз"ни сотиб олаётганда бизни беш йил ичида Россиядаги ички нархларга «олиб келишни» ваъда қилгандингиз, шундай экан, олиб келинг. Нега бизни алдаяпсиз? Бундан ташқари, бизни буни унутиб юборган деб ўйлаяпсиз", - деди Беларусь президенти.

Лукашенко Минск "шунчаки ҳалол, соф, шаффоф муносабатларни хоҳлашини" айтди.

"Хоҳламасангиз, бу ҳақда айтинг. "Оҳ, Помпео келди" деб қичқирманг. Эртага Трамп келади. Унда нима қилишади?" – деди у.

Лукашенко Беларусь суверен ва мустақил давлат сифатида ташқи сиёсатни қандай олиб боришни ўзи белгилашини таъкидлади.

"Ёки бу билан Россияга зарар етказдикми? Йўқ", - деб қўшиб қўйди у.