2019 йилдан тўлов-контракт асосида ўқиётган талабаларга стипендиясиз контракт тўлаш имкони берилган эди. Бу имконият яратилганининг биринчи йилидаёқ 70 фоиздан ортиқ студент ундан фойдаланди.
Ўзбекистондаги давлат ОТМлари талабаларининг умумий рейтинг кўрсаткичлари эълон қилинди. Бу ҳақда Kun.uz мухбири хабар бермоқда.
Маълум бўлишича, республикадаги жами 99та маҳаллий ОТМда контракт асосида ўқиётган талабаларнинг умумий сони 278 885 нафарни ташкил этади.
Уларнинг 62,1 фоизи «3» баҳога (173 188 нафар), 30,4 фоизи «4» баҳога (84 781 нафар), 7,5 фоизи «5» баҳога (20 916 нафар) ўқийди.
Ўқитишнинг тўлов-контракт шаклида таҳсил олаётган жами талабалар (бакалавр ва магистратура)нинг 29,8 фоизи (83 001 нафари) стипендияли, 70,2 фоизи (195 884 нафар) стипендиясиз контракт тўловини амалга оширишди.
«Умумий ҳисобда маҳаллий олий таълим муассасаларида 171 минг 456 нафар талаба (давлат гранти асосидаги 88 минг 455 нафар талаба билан қўшганда) стипендияли асосда таҳсил олади», – деб маълум қилинди 7 январь куни Олий ва ўрта махсус таълим вазирлиги ўтказган матбуот анжуманида.
- Контрактда ўқийдиган талабаларга компенсация тўланмаслигига изоҳ берилди
- Рағбатлантирувчи стипендия тайинлаш тартиби эълон қилинди
- Ўзбекистонда талабаларга стипендия тўлашнинг янги тартиби белгиланди (батафсил)
