Эрон-Туркия чегарасида юз берган зилзила 8 кишининг умрига зомин бўлди

Эрон-Туркия чегарасида 5,9 магнитудали зилзила юз берди. Зилзила 8 кишининг, жумладан 3 боланинг умрига зомин бўлди.

Фото : EPA

Бу ҳақда Туркия ички ишлар вазири Сулаймон Сўйлу маълум қилди.

Зилзила Туркиянинг Ван вилоятида юз берган. Қутқарувчилар қидирув ишларини давом эттиришмоқда.

Маълум қилинишича, зилзила оқибатида 21 киши жароҳат олган, улардан 8 нафарининг аҳволи оғир.

IRNA ахборот агентлиги Эроннинг Ғарбий Озарбойжон вилояти губернаторига таяниб маълум қилишича, зилзила оқибатида чегарада бир неча киши жароҳат олган.

Шунингдек, зилзила таъсирига учраган қишлоқларда бир нечта уйга зарар етган, улардан баъзилари буткул вайрон бўлган.