Ўзбекистоннинг ЖЧ-2022 саралашидан ўрин олган ўйинлари қолдирилиши мумкин

Фото: Tribuna.uz

ФИФА ОФК билан келишган ҳолда ЖЧ-2022 саралашидан ўрин олган ўйинларни қолдиришга қарор қилди. Бу ҳақда ташкилот расмий сайтида эълон қилинди.

«ФИФА ОФК билан келишган ҳолда ЖЧ-2022 саралашидан ўрин олган ўйинларни қолдиришга қарор қилди. 23-31 март, 1-9 июнь кунлари ўтиши керак бўлган ўйинлар кейинроқ ўтказиладиган бўлди.

Лекин жамоалар ўзаро келишган ҳолда ўйин иштирокчилари хавфсизлиги таъминланиши шарти билан учрашувларни ўз вақтида ўтказиши мумкин. Фақат бундай ҳолатда ОФК ҳамда ФИФАнинг розилиги олиниши керак»,— дейилади баёнотда.

ФИФА коронавирус тарқалиш хавфи сабаб шундай қарорга келган. Юқорида кўрсатилган муддатда Ўзбекистон учта ўйин ўтказиши керак эди ва эндиликда Яман (31 март), Сингапур (4 июнь) ва Саудияга қарши (9 июнь) ўйинлари номаълум муддатга қолдирилган бўлиши мумкин.

#ЖЧ-2022 #Ўзбекистон миллий жамоаси #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.