Италия пойтахти Рим шаҳри хорижлик меҳмон ва сайёҳларнинг диққат-эътиборига сазовор бўлган жойлардан бири ҳисобланади. Бироқ сўнгги ҳафталар давомида минтақада тарқалган янги коронавирус инфекцияси сайёҳлар оқимига ўз таъсирини ўтказмасдан қолмади.
Одатда декабрь–январь ойлари давомида Trevi фаввораси атрофида сайёҳлар гавжум бўларди. Улар ушбу мафтункор жойни кўриш мақсадида чет эллардан ташриф буюришади. Унинг ёнига боришга муваффақ бўлган саёҳатчилар тангани сувга ташлашади. Афсоналарга кўра, бу амал шаҳарга қайтиб келиш имконини беради, деб ҳисоблашади.
Коронавирус тарқалиши туфайли Италиядаги диққатга сазовор жойларга ташрифларга чекловлар жорий этилди.
Италия барча парвозларни бекор қилган. «Colosseum» ва «Roman forum» атрофларига сайёҳлар келиши чеклаб қўйилган.
Aввалги манзараларда Пантеон пиаззаси марказидаги зинапоялар сайёҳларнинг кўзларини қамаштиришга қодир эди. Ҳозир эса уларнинг атрофида фақат бир-икки кишини кўриш мумкин.
Шу билан биргаликда, энди кўприк атрофидан ўтаётганингизда Castel Sant'Angelo’нинг улуғворлигини бемалол кўришингиз мумкин - у ерда ҳам деярли ҳеч кимни учратмайсиз.
