Қўшимча функционаллар
-
Тунги кўриниш
Хорижий фуқароларнинг визаси 5 майга қадар узайтирилади
Муайян муддатга визасиз кириш ҳуқуқига эга давлатлар фуқароларига ҳам истисно тарзида мамлакат ҳудудидан чиқиб кетишига 2020 йилнинг 5 майига қадар рухсат берилади
Ўзбекистон ҳудудида бўлган хорижий фуқароларнинг мамлакатдан чиқиб кетишидаги муаммоларни инобатга олиб, уларнинг виза муддатини жорий йилнинг 5 май санасигача автоматик тарзда узайтирилади.
Туризмни ривожлантириш давлат қўмитаси хабарига кўра, коронавируснинг кириб келиши ва тарқалишининг олдини олиш юзасидан чора тадбирлар дастурини тайёрлаш бўйича махсус комиссия йиғилишида шунга доир қарор қабул қилинди.
Ҳужжатга кўра, муайян муддатга визасиз кириш ҳуқуқига эга давлатлар фуқароларига ҳам (белгиланган муддат бузилган тақдирда) истисно тарзида мамлакат ҳудудидан чиқиб кетишига 2020 йилнинг 5 майига қадар рухсат берилади.
Юқоридаги ҳолатларда хорижий мамлакатлар фуқароларига нисбатан ҳеч қандай чора кўрилмайди ҳамда жарима ундирилмайди.
Транспорт вазирлиги Ташқи ишлар вазирлиги ва Туризмни ривожлантириш давлат қўмитаси билан биргаликда хорижий фуқароларнинг ўз ёки учинчи мамлакатга қайтиши учун харид қилинган Uzbekistan Airways АЖнинг авиачиптаси мавжуд бўлган тақдирда, уларнинг қайтиб кетиши учун тегишли рейсларини қўшимча маблағ ундирмаган ҳолда ташкил этади.
Бундан олдин, хорижий фуқароларнинг виза муддати автоматик тарзда узайтирилиши маълум қилинганди.
Коронавирус Ўзбекистонда
Мавзуга оид
20:27 / 14.01.2026
АҚШ 75 мамлакат фуқаролари учун виза беришни тўхтатади
18:09 / 07.01.2026
Қирғизистон ва Тожикистон фуқаролари ҳам АҚШ визаси учун 15 минг долларгача гаров тўлайди
12:44 / 07.01.2026
Ўзбекистон фуқаролари учун визасиз кириш давлатлари сони оширилади
13:16 / 06.01.2026