Бўстонлиқ тумани ҳудудида ҳаракатланишга фақатгина шу жойда рўйхатда турувчи маҳаллий аҳолига рухсат этилади
Республикада коронавирусга қарши олиб борилаётган кураш доирасида Тошкент вилоятининг Бўстонлиқ туманида транспорт воситалари ҳаракати вақтинча чекланган ва дам олиш масканларида дезинфекциялаш ишлари бошланган. Бу ҳақда Ўзбекистон Республикаси ИИВ ЙҲХББ ахборот хизмати хабар қилмоқда.
Шу муносабат билан, Тошкент вилояти ИИББ ЙҲХБ барча фуқаролардан, махсус профилактик тадбирлар тугагунига қадар, Бўстонлиқ туманига бормасликни ҳамда юзага келган вазиятни тўғри баҳолашни сўраб қолган.
Бўстонлиқ тумани ҳудудида ҳаракатланишга фақатгина шу жойда рўйхатда турувчи маҳаллий аҳолига рухсат этилиши айтилган.
Аввалроқ, фуқароларга дала ҳовлиларга боришдан тийилиб туриш тавсия этилганди.