Қўшимча функционаллар
-
Тунги кўриниш
Таниқли кинорежиссёр Нозим Аббосов вафот этди
21 март куни кинорежиссёр Нозим Аббосов 58 ёшида вафот этди. Ушбу маълумотни Маданият вазирлиги матбуот котиби Мавлуда Асқархўжаева Kun.uz'га тасдиқлади.
Фото: kino-teatr.ru
Марҳум «Саид ва Саида» «Дилор, Дилор, дил ва ор» ва «Маҳаллада дув-дув гап 2» фильмлари билан томошабинлар қалбидан ўрин олганди. Унинг сценарийси асосида ишланган «Феллини» фильми эса Варшавада ўтган халқаро кинофестивалда мукофотга, 2002 йили Инсбургда ўтган танловда Гран-прига сазовор бўлганди.
Марҳум отаси Шуҳрат Аббосов билан ишлаган «Маҳаллада дув-дув гап 2» ҳамда ёзувчи Саид Аҳмад ҳаётидан ҳикоя қилувчи «Саид ва Саида» картинаси Нозим Аббосов мухлисларини кўпайтирган.
Kun.uz таҳририяти марҳумнинг оила аъзолари ва яқинларига чуқур ҳамдардлик билдиради.