Илк бор Ўзбекистоннинг хориждаги фуқаросида коронавирус аниқланди

Айни вақтда Австрияда бўлиб турган ўзбекистонликка коронавирус ташхиси қўйилган. Бу ҳақда Ташқи ишлар вазири матбуот котиби Аваз Ҳожиметов АОКАда ўтказилган брифинг чоғида маълум қилди.

Фото: Getty Images

«Хориждаги фуқароларимиз орасида янги турдаги коронавирусга чалиниш билан боғлиқ 1та ҳолат қайд этилган бўлиб, ушбу бемор ҳозирда Австрияда карантинга олинган. Аҳволи яхши ва касалликнинг енгил формаси ташхиси қўйилган. Вазият элчихонамизнинг доимий назоратида», дея Ҳожиметовнинг сўзларини келтирмоқда Kun.uz мухбири.

Сўнгги маълумотларга кўра, Ўзбекистонда коронавирусдан зарарланганлар сони 65 нафарни ташкил қилмоқда. Уларнинг аксари Тошкент шаҳридаги Вирусология илмий-текшириш институтида даволанмоқда.

Тайёрлаган: Азиз Қаршиев

#Австрия #коронавирус