Давлат солиқ қўмитаси буйруғига биноан Исломова Наргис Зарибджановна Тошкент шаҳар Яккасарой тумани давлат солиқ инспекцияси бошлиғи лавозимига тайинланди. Бу ҳақда ДСҚ ахборот хизмати хабар берган.
Наргис Исломова янги лавозимга тайинлангунга қадар, Тошкент шаҳар давлат солиқ бошқармаси солиқ текширувлари ва мавзули экспресс-ўрганишлар бўлими бошлиғи лавозимида ишлаб келаётган эди.
Маълумот ўрнида, Исломова 1970 йилда Тошкент шаҳрида туғилган. У Тошкент ирригация ва қишлоқ хўжалигини механизациялаштириш муҳандислари институтини Муҳандис-иқтисодчи мутахассислиги бўйича тамомлаган. У 1993 йилдан буён давлат солиқ органлари тизимида масъулиятли лавозимларда фаолият юритиб келмоқда.
Шунингдек, Исломова Солиқ хизматининг III даражали маслаҳатчиси махсус унвонига эга.
