Huawei беҳурматлик сабабли Европа давлатларига ёрдамини қайтариб олди

Хитойнинг Huawei компанияси Европа иттифоқига ёрдам сифатида юборган тиббий ниқобларни қайтариб олишга қарор қилди. Бунга Европа иттифоқида ушбу ёрдамга беҳурматлик қилингани сабаб бўлган.

Фото: iStock

Хитой компанияси Испанияга 1 млн дона, Нидерландияга 800 минг дона ниқоб жўнатган.

Компаниянинг ўз ёрдамини қайтариб олишига Европа иттифоқининг ташқи ишлар ва хавфсизлик сиёсати бўйича олий вакили Жозеп Боррель эҳтиётсизлик қилиб, Huawei ёрдамини “сахийлик сиёсати” ҳамда шунчаки пиар-кампания деб атагани сабаб бўлган.

Huawei раҳбарияти бундай “миннатдорлик”ка ўз муносабатини куттириб қўймаган. Компанияда таъкидланишича, у сиёсатбозликка ҳеч қандай алоқаси бўлишни истамайди ва Европага ёрдамини тўхтатади.

“Биз бу ерда, Европада ниқоблар донорлиги дастуримизга чек қўямиз”, деб айтган компания вакили.

Тайёрлаган Шуҳрат Раҳимов

#Европа #Huawei

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.