Туркманистонда «коронавирус» сўзини тилга олиш тақиқланди

Туркманистон ҳукуматининг расмий маълумотига кўра, мамлакатда коронавирусга чалиниш билан боғлиқ бирорта ҳам ҳолат қайд этилмаган.

Фото: Igor SASIN / AFP

Туркманистонда аҳолига коронавирус ва пандемия тўғрисида гаплашиш, журналистларга эса «коронавирус» сўзини ишлатиш тақиқланди. Бу ҳақда Чегарасиз мухбирлар (RSF) халқаро ташкилоти хабар бермоқда.

Ташкилотнинг маълумот беришича, ҳаттоки мамлакат соғлиқни сақлаш вазирлиги томонидан мактаб, касалхона ва корхоналарга тарқатилган брошюраларда ҳам касаллик номини ёзиш тақиқланди.

Қайд этилишича, одамлар олдида ниқоб тақиш ва бу касаллик тўғрисида суҳбатлашиш қамоққа олинишга сабаб бўлиши мумкин. Ушбу тартиб бажарилишини назорат қилиш учун милиция ходимлари кўчада оддий фуқаро кийимида юради.

Тайёрлаган: Дилшод Аскаров

#Туркманистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.