Италиянинг баъзи аҳолисида коронавирусга қарши иммунитет аниқланди

Италиянинг Феррара шаҳри ва унинг атрофидаги ҳудудларда коронавирусга қарши иммунитет борлиги аниқланди.

Фото: Getty Images

La Nuova Ferrara нашрининг ёзишича, ҳудудда касалланганлар сони жуда кам. Хусусан, Эмилия-Романья ҳудудида 14 мингдан ортиқ одам коронавирус юқтириб олган бўлса, бу кўрсаткич Феррарада атиги 307 нафарни ташкил қилади.

Фуқаро мудофааси хизмати комиссари Сержо Вентури бу маълумотларни тасдиқлаган ҳолда, Феррара аҳолиси қандайдир сабабга кўра, коронавирусга қаршилик қилаётганини айтди.

«Авваллари бу ҳудудда безгак тарқалган, одамларда унга қарши иммунитет бор. Балки шу сабабдан ҳам коронавирус юқтириб олганлар сони кам бўлиши мумкин. Бундан ташқари, ирсиятга боғлиқ бўлган талессемия касаллигига ҳам боғлиқдир», — деди Вентури.

Жаҳон соғлиқни сақлаш ташкилоти (ЖСТ) маълумотига кўра, Италияда коронавирус юқтириб олганлар сони 105 мингдан ортиқни, вафот этганлар сони 12 мингни, соғайиб кетганлар сони 15 мингни ташкил қилади.

Тайёрлаган Сардор Юсупов

#Италия #иммунитет #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.