Қўшимча функционаллар
-
Тунги кўриниш
Ўзбекистон Афғонистонга инсонпарварлик ёрдами жўнатди
Бугун, 1 апрель куни Ўзбекистон Республикаси президенти Шавкат Мирзиёев топшириғига асосан Афғонистон Ислом Республикасига коронавирус касаллиги тарқалишини бартараф этиш учун зарур бўлган озиқ-овқат маҳсулотлари, тиббий буюмлар ва болалар трикотаж маҳсулотлари кўринишида инсонпарварлик ёрдами юборилди.
Фото: KUN.UZ
Давлат раҳбари номидан биродар афғон халқига Ўзбекистоннинг дўстона ёрдами сифатида йўлга тушган эзгулик поезди – инсоният учун умумий офатга айланган коронавирус билан курашиш жараёнида биринчи навбатда зарур маҳсулотлар асосида шакллантирилган.
Kun.uz мухбири хабар беришича, тиббий ниқоблар, ҳимоя комбинезонлари, касалликни аниқловчи тепловизор, пирометрлар сингари тиббий воситалар, ун, ёғ, гуруч ва бошқа озиқ-овқат маҳсулотлари ҳамда биринчи даражали хўжалик товарлар, шунингдек жафокаш афғон болалари учун трикотаж маҳсулотларидан иборат инсонпарварлик юки Ангрен-Тошкент-Термиз-Мозори-Шариф йўналиши бўйича етказиб берилади.
Эслатиб ўтамиз, бундан аввал Ўзбекистон республикаси президенти топшириғига асосан, коронавирусдан энг кўп азият чеккан Хитой Халқ Республикаси ва Эронга инсонпарварлик ёрдамини жўнатилган эди.
Коронавирус
Мавзуга оид
21:04 / 09.04.2026
Афғон қозонлари ичига яширилган 190 килограммдан ортиқ наркотик модда тўхтатиб қолинди
08:34 / 07.04.2026
Кобулда Марказий Осиё ва Афғонистон илк мулоқоти ўтказилди
00:22 / 06.04.2026
Покистон қуролли кучлари чегара постини эгаллашга уринган афғон аскарларини йўқ қилди
21:22 / 03.04.2026