Францияда сентябргача оммавий тадбирлар ўтказилмайди

Францияда коронавирус тарқалиши сабабли 17 мартда аҳоли ҳаракатланишига нисбатан қатъий чекловлар киритилганди.

Фото: Getty Images

Францияда 5 мингдан ортиқ киши қатнашадиган оммавий тадбирлар сентябргача ўтказилмайди. бу ҳақда мамлакат бош вазири Эдуар Филипп маълум қилди.

"Йирик спорт, маданият тадбирлари, хусусан фестиваллар, салонлар, 5 мингдан ортиқ киши қатнашадиган барча тадбирлар ҳақида префектурага ариза берилиши ва улар ўтказилишидан анча аввал ташкиллаштирилиши лозим. Тадбирлар сентябрга қадар ўтказилмайди", - деди Филипп.

Унинг сўзларига кўра, 11 майдан бошлаб жамоат жойларидан ўндан ортиқ киши тўпланиши чекланади.

Ҳукумат раҳбари ибодат масканлари очиқ қолишини айтиб ўтди.

Охирги маълумотларга кўра, мамлакатда 128 мингдан ортиқ киши коронавирусга чалинган, 23,2 мингдан ортиқ киши вафот этган.

Тайёрлаган Дилшод Аскаров

#Франция #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.