Имомали Раҳмон коронавирусга қарши кураш доирасида маошидан воз кечди

Тожикистон президенти Имомали Раҳмон коронавирусга қарши кураш доирасида бир ойлик маошидан (миқдори аниқ эмас) воз кечди. Бу ҳақда мамлакат президенти матбуот хизматига асосланиб Азия-Плюс нашри хабар берган.

Фото: Тожикистон президенти матбуот хизмати

Шунингдек, коронавирусга қарши кураш доирасида мамлакат захира фондидан 12,4 миллион сомоний (1,2 миллион доллар) миқдорида пул ажратилади. Бу пуллар хусусан тиббиёт ходимларига 3 ой давомида устама пули тўлаш учун йўналтирилади.

Тожикистон узоқ вақт давомида коронавирус аниқланмаган 15 мамлакат қаторида эътироф этилаётганди. 30 апрель куни мамлакатда бирданига 15 кишида коронавирусдан зарарланиш ҳолати тасдиқланди. Беморлардан 10 нафари пойтахт Душанбеда, яна 5 нафари Сўғдда.

1 майдан мамлакатда жамоат жойларида ниқобда юриш мажбурий этиб белгиланган.

Коронавирус Тожикистонда. Вазирлик зарарланиш ҳолатларини расман тасдиқлади

Тайёрлаган Ўткир Жалолхонов

#Тожикистон #Имомали Раҳмон

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.