Сирдарёда тошқиндан яроқсиз ҳолга келган рўзғор буюмлари ёқиб юборилмоқда
Сирдарё вилоятининг сув тошган ҳудудларида уй-рўзғор буюмлари ва анжомлар ёқиб йўқ қилинмоқда. Фавқулодда вазиятлар вазирлиги ижтимоий тармоқларда турли талқинлар билан муҳокама қилинаётган фотосуратларга изоҳ берди.
«Сирдарё вилоятининг Сардоба, Оқолтин ва Мирзаобод туманларида юзага келган сув тошқини оқибатларини бартараф этиш ишлари давом эттирилмоқда. Ҳозирда бу майдонда иккиламчи тадбирлар амалга оширилмоқда.
Жумладан, оқим вақтида зарар етган ашёлар, уй хўжалиги буюмларини йиғиш, уларни ҳудуддан олиб чиқиш ва йўқотиш тадбирларини мисол қилиш мумкин. Чунки бундай воситалар қайта фойдаланиш учун яроқсиз ҳисобланиб, санитария-гигиена талабларига жавоб бермайди», – дейилади вазирлик ахборот хизмати хабарида.
Маълумот учун, ҳозирда тошқиндан талафот кўрган 541та уй таъмирдан чиқариляпти. Бунга 13 524 нафар ишчи ва 622та транспорт воситаси жалб қилинган.
Мавзуга оид
08:58
Сирдарёда электрдан узилган тадбиркорлар ҳокимият биноси олдига йиғилди
17:03 / 11.09.2024
Бойсундаги кондан чиқаётган газ яқин кунларда жиловланади — ФВВ
13:40 / 06.09.2024
Россия ФВВ раҳбарининг собиқ ўринбосарига нисбатан жиноят иши қўзғатилди
21:19 / 05.09.2024