Sirdaryoda toshqindan yaroqsiz holga kelgan ro‘zg‘or buyumlari yoqib yuborilmoqda
Sirdaryo viloyatining suv toshgan hududlarida uy-ro‘zg‘or buyumlari va anjomlar yoqib yo‘q qilinmoqda. Favqulodda vaziyatlar vazirligi ijtimoiy tarmoqlarda turli talqinlar bilan muhokama qilinayotgan fotosuratlarga izoh berdi.
«Sirdaryo viloyatining Sardoba, Oqoltin va Mirzaobod tumanlarida yuzaga kelgan suv toshqini oqibatlarini bartaraf etish ishlari davom ettirilmoqda. Hozirda bu maydonda ikkilamchi tadbirlar amalga oshirilmoqda.
Jumladan, oqim vaqtida zarar yetgan ashyolar, uy xo‘jaligi buyumlarini yig‘ish, ularni hududdan olib chiqish va yo‘qotish tadbirlarini misol qilish mumkin. Chunki bunday vositalar qayta foydalanish uchun yaroqsiz hisoblanib, sanitariya-gigiyena talablariga javob bermaydi», – deyiladi vazirlik axborot xizmati xabarida.
Ma'lumot uchun, hozirda toshqindan talafot ko‘rgan 541ta uy ta'mirdan chiqarilyapti. Bunga 13 524 nafar ishchi va 622ta transport vositasi jalb qilingan.
Mavzuga oid
08:58
Sirdaryoda elektrdan uzilgan tadbirkorlar hokimiyat binosi oldiga yig‘ildi
17:03 / 11.09.2024
Boysundagi kondan chiqayotgan gaz yaqin kunlarda jilovlanadi - FVV
13:40 / 06.09.2024
Rossiya FVV rahbarining sobiq o‘rinbosariga nisbatan jinoyat ishi qo‘zg‘atildi
21:19 / 05.09.2024