Ўзбекистон Давлат консерваторияси ректори лавозимига Камолиддин Турдимуратович Ўринбоев номзоди тасдиқланди. Бу ҳақда Маданият вазирлиги ахборот хизмати хабар бермоқда.
Фото: Voice of Tashkent
К. Ўринбоев 1985 йилда туғилган, 2007 йилда Ўзбекистон Давлат консерваториясини, 2009 йилда мазкур консерваториянинг магистратурасини, 2014 йилда П.И.Чайковский номидаги Москва Давлат консерваториясини тамомлаган.
Мутахассислиги оркестр созандаси (ғижжак), Опера симфоник оркестри дирижёри. Ўзбекистон Республикасида хизмат кўрсатган артист унвони билан мукофотланган.
Шу кунга қадар Ёшлар симфоник оркестри дирижёри лавозимида ишлаган.
К.Ўринбоев фаолияти мобайнида Италия, Франция, ва Россия каби давлатларда ўз соҳаси бўйича тажриба орттирган.
