Путиннинг қароргоҳи коронавирусдан қандай ҳимояланаётгани маълум қилинди

Россия президенти Владимир Путиннинг Ново-Огареводаги қароргоҳида коронавирусдан ҳимояланиш учун махсус дезинфекцияловчи туннел ўрнатилгани маълум қилинди.

Фото: mizotty / Youtube

Туннелдан ўтувчи ҳар бир кишининг кийими ва танасининг очиқ жойлари пуркалиб турган дезинфекцияловчи аралашма билан қопланади.

Таъкидланишича, ушбу қурилма Пензада жойлашган компания томонидан ишлаб чиқарилган.

В резиденции Путина появился дезинфицирующий туннель. Человека дезинфицируют туманным облаком.

Туннель разработала пензенская компания. pic.twitter.com/9zNX7jrK2a
— Кремлевский пул РИА (@Kremlinpool_RIA) June 16, 2020

Апрелда Путиннинг матбуот котиби Дмитрий Песков президент билан учрашувчи барча шахслар коронавирусга тестдан ўтаётганларини маълум қилган. Ўшанда унинг таъкидлашича, Путин юзма-юз мулоқотни тўлиқ истисно қилмай, бироқ уни минимал кўринишга келтирган. Песков маълум қилганидек, учрашувлар ижтимоий масофага риоя қилинган ҳолда ўтган.