Венесуэлада Мадуронинг Трамп билан учрашишга тайёрлиги маълум қилинди

Венесуэла етакчиси Николас Мадуро АҚШ президенти Дональд Трампнинг учрашув ҳақидаги таклифига очиқ. Бу ҳақда мамлакат ташқи ишлар вазири Хорхе Арреаса маълум қилди. 

“Президент Мадуро ҳамиша ҳар қандай таклифга тайёр”, деб айтган Арреаса “Россия-24” телеканали эфирида Мадуро ва Трамп учрашиши мумкинлиги ҳақидаги саволга жавобан. 

Унинг таъкидлашича, Мадуро Трамп президент бўлиб сайланганининг илк кунидан икки давлат ўртасида келишмовчилик бўлиши мумкинлигини, бироқ “келишмовчилик мулоқотни талаб қилишини, усиз ҳеч қандай ҳамкорлик мумкин эмаслигини” айтиб келган.

Арреасанинг айтишича, бундай учрашув Трамп атрофидагиларнинг унга таъсири сабабли амалга ошмаган.

Аввалроқ АҚШ президенти Мадуро билан учрашиши мумкинлигини айтганди.