АҚШ ва Хитой ўртасидаги «дипломатик уруш» давом этмоқда.
Фото: AP
Хитой ҳукумати Сичуань вилоятидаги Чэнду шаҳрида жойлашган АҚШ бош консуллиги фаолиятининг тўхтатилишини талаб қилди, деб хабар берди РИА Новости Хитой Ташқи ишлар вазирлиги баёнотига таяниб.
Вазирлик бу талабнинг қонуний ва зарурий жавоб эканини, шунингдек, юз бераётган воқеалар бўйича жавобгарлик Вашингтон зиммасида эканини таъкидлади.
Аввалроқ АҚШ Ҳьюстон шаҳридаги Хитой бош консуллигини ёпишни талаб қилган эди. Давлат департаментининг расмий вакили Морган Ортагус америкаликларнинг интеллектуал мулки ва шахсий маълумотлари ҳимоясини таъминлаш мақсадида ҳукумат шундай топшириқ берганини айтди.
Хитой ТИВ буни сиёсий провакация деб, жавоб чораларини кўришни ваъда қилган эди.
