Бекободда савдо дўконидан 25 млн сўмлик телефонлар ўғирлаб кетилди

Жиноятчилар қўлга олиниб, ҳозирда тергов ишлари давом этмоқда.

Жамиятда ана шундай кимсалар ҳам бор. Уларнинг тоифасига ўзи ишламасдан туриб, бировларнинг пешона тери эвазига кун кечирадиганларни киритиш мумкин, деб ёзмоқда Postda нашри.

Қайд этилишича, бекободлик Ш.А., А.М. ва М.М. ҳам шулар қаторидан жой олган.

Хабарда айтилишича, улар фуқаро С.Р.га тегишли Бекобод шаҳрида жойлашган савдо дўконидан дераза ойнасини синдириш орқали умумий қиймати 25 миллион 403 минг сўмлик 10 дона мобиль телефонлар ҳамда Lenovo русумли ноутбукни ўғирлаб кетишади.

Дўкон эгасининг ўз вақтида қилган мурожаати туфайли жиноятчилар қўлга олиниб, ҳозирда тергов ишлари давом этмоқда.