Фото: Deutsche Welle
Ҳиндистон бир кунда қайд қилинган коронавирусга чалиниш ҳолатлари бўйича антирекорд ўрнатди. Мамлакатда сўнгги суткада 78761 киши коронавирусга чалинган.
Бу пандемия бошидан бери дунё бўйича рекорд кўрсаткич ҳисобланади, деб хабар берди Deutsche Welle нашри.
Мутахассисларнинг таъкидлашича, ушбу рақамлар аслидагидан анча камроқ бўлиши мумкин, чунки Ҳиндистонда коронавирусга таҳлиллар кам миқдорда ўтказилади.
Айни вақтда Ҳиндистон коронавирусга чалинганлар сони бўйича АҚШ ва Бразилиядан кейин дунёда 3-ўринни эгалламоқда. Мамлакатда вирусга чалинганлар сони 3,617 млндан, инфекциядан вафот этганлар сони эса 64 мингдан кўпроқни ташкил қилмоқда.
