Соғлиқни сақлаш вазирлиги 8 октябрь куни ҳозирча 238та янги касалланиш ҳолати аниқлангани ва жами касалланиш ҳолатлари сони 60 мингдан ошгани ҳақида хабар берди.
Янги ҳолатлар (+238)
8 октябрь куни соат 18:00 ҳолатига кўра, Ўзбекистоннинг 6 ҳудудида коронавирусга чалинган беморлар билан мулоқотда бўлгани учун намуна олинган фуқаролар орасида 238та янги ҳолат аниқланиб, жами ҳолатлар сони 60 минг 26тани ташкил этмоқда.
- Тошкент шаҳрида 180 ҳолат;
- Андижон вилоятида 19 ҳолат;
- Тошкент вилоятида 14 ҳолат;
- Қашқадарё вилоятида 10 ҳолат;
- Сурхондарё вилоятида 8 ҳолат;
- Қорақалпоғистонда 7 ҳолат.
Тузалганлар (+269)
Бугун айни пайтга қадар республиканинг 7 ҳудудида 269 бемор тузалди ва шу вақтгача касалликдан фориғ бўлганлар сони 56 минг 837 нафарга етди.
- Тошкент шаҳрида 132 нафар,
- Тошкент вилоятида 86 нафар,
- Андижон вилоятида 17 нафар,
- Самарқанд вилоятида 11 нафар,
- Қашқадарё вилоятида 8 нафар,
- Сурхондарё вилоятида 8 нафар,
- Қорақалпоғистонда 7 нафар бемор тузалди.
Кун давомида 4 бемор ўлими қайд этилиб, расмий статистикага кўра ўлим ҳолатлари сони 496тага етди.
Ҳозирда мамлакатимизда 2 693 нафар беморга шифокорларимиз томонидан белгиланган стандартлар бўйича даво чоралари кўрилмоқда.
