Самарқанд вилоятига янги бош архитектор тайинланди

Самарқанд вилояти ҳокимлигида янги тайинлов амалга оширилди.

Ўзбекистон Республикаси Қурилиш вазири буйруғига кўра Ҳаёт Фазлиддинович Мирзоев Самарқанд вилоят Қурилиш бош бошқармаси ўринбосари – вилоят бош архитектори этиб тайинланди.

Самарқанд вилоят Қурилиш бош бошқармаси ахборот хизматининг Kun.uz’га маълум қилишича, шу пайтгача Самарқанд вилояти бош архитектори вазифасида ишлаб келган Бобур Элмуродов Қурилиш вазирлигига ишга ўтгандан сўнг вилоят бош архитекторлик вазифасини С.Нарзиқулов бажариб келаётган эди.

Тадбирда шунингдек, вазирлик томонидан соҳа ходимларининг ишчанлигини ошириш мақсадида вилоятнинг шаҳар ва тумани қурилиш бўлимларига замонавий компьютер, принтер ва бошқа техникалар топширилган.