Жо Байден АҚШ президенти сайловларида муддатдан олдин овоз берди
АҚШ президенти лавозими учун икки номзоддан бири бўлган Жо Байден президент сайловларида муддатдан олдин овоз берди. Аввалроқ унинг рақиби - АҚШ президенти Дональд Трамп ҳам овоз берганди.
77 ёшли Байден ўз рафиқаси Жилл билан бирга 28 октябрда Уилмингтон шаҳридаги (Делавер штати) сайлов участкасига овоз бериш учун келган. У барча гигиеник эҳтиёт чораларига амал қилиб, ҳимоя ниқобида бўлган. Сайлов участкаси ичидан трансляция олиб борилмаган, бироқ сиёсатчи у ердан чиққач мухбирларга ўз фуқаролик бурчини адо этиб, овоз берганини тасдиқлаган.
АҚШнинг амалдаги президенти янада эртароқ, 24 октябрда Уэст-Палм-Бичдаги (Флорида штати) сайлов участкасида овоз берганди. Ҳозирга келиб 70 млндан кўпроқ америкалик сайловларда муддатдан олдин овоз бериб бўлди. Сайловларнинг асосий куни 3 ноябрда бўлиб ўтади.
Мавзуга оид
09:50 / 17.09.2024
Байден АҚШда сиёсий зўравонликка йўл қўймаслик ҳақида огоҳлантирди
11:40 / 16.09.2024
Байден Трамп билан юз берган ҳодисадан кейин Махфий хизматни мақтади
09:20 / 16.09.2024
Зеленский Байденга «Украина ғалабаси режасини» тақдим этади
17:20 / 11.09.2024