Суюлтирилган газ баллонлари онлайн назорат қилинади

Бу тизим қуйидаги тартибда амалга оширилади:

I босқич — маиший газ баллонларига махсус штрих кодли стикерлар ўрнатилади;

II босқич — истеъмолчилар ID карталар билан таъминланади;

III босқич — мазкур жараёнлар «Е-gaz» онлайн тизимига уланади.

Энергетика вазирлиги матбуот хизмати хабарига кўра, истеъмолчига берилган ID картада барча маълумотлар кўриниб туради. Бу билан энди нарх-навони асоссиз ошириш муаммоси бўлмайди. 

Шу билан бирга, бу тизимда газ баллон тарқатиш оралиғи 45 кун бўлса, 45 кун ичида фақатгина бир марта пул ечиб олинади. Яъни 45 кун ичида иккинчи бор газ баллон олишнинг имкони бўлмайди.

Автоматлаштирилган тизимда белгиланган маблағ тегишли муддатда ечиб олинади. Яъни ҳайдовчи-экспедитор ва таъминотчи ходимлар томонидан газ баллон учун қўлдан нақд пул олинишига йўл қўйилмайди. Бу суюлтирилган газ таъминотида кўрсатилаётган хизмат сифатини янада ошириб, тизимдаги коррупция ҳолатларини бартараф этишга имкон беради.