ЖССТ коронавирус туфайли мактабларни ёпишга қарши чиқди

ЖССТ вакилининг сўзларига кўра, ҳукуматлар охирига қадар мактабларда ўқишни тўхтатмаслиги ва ўта қийин ҳоллардагина ёпиши керак.

Фото: EPA

Ҳукуматлар коронавирус эпидемияси туфайли мактабларни ёпмаслиги керак. Бу ҳақда Жаҳон соғлиқни сақлаш ташкилотининг Европадаги бўлинмаси директори Ханс Клюге маълум қилди, деб хабар бермоқда Brussels Times нашри.

"Мактаблар коронавирус тарқалишининг асосий манбаси дейишга сабаб йўқ. Мактабларни доимо очиқ қолдиришимиз лозим, чунки коронавирус сабабли бир авлодни йўқотишга йўл қўя олмаймиз", - деди Клюге.

Унинг сўзларига кўра, ҳукуматлар охирига қадар мактабларда ўқишни тўхтатмаслиги ва ўта қийин ҳоллардагина ёпиши керак.

Шу билан бирга, ЖССТ вакили Европада кескин карантин чоралари жорий этилиши кераклигини айтди.

"Ниқоблардан кенг фойдаланиш ва йиғинлар устидан қатъий назорат эвазига Европада февралга келиб 261 мингдан ортиқ инсоннинг ҳаётини сақлаб қолишимиз мумкин", - деди у.

Тайёрлаган Дилшод Аскаров

#ЖССТ #мактаб #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.