Тошкентда 7та автобус йўналиши мақбуллаштирилади

Қайд этилишича, 2020 йил 27 декабр санасидан Тошкент метрополитени Чилонзор йўналишининг давоми, 5та бекатдан иборат Сергели ер усти метро йўналиши ишга туширилиши муносабати билан, 2021 йил 11 январ санасидан 8-, 32-, 38-, 80-,131-, 132-, 133-сонли автобус йўналишлари мақбуллаштирилади.

Хабарда айтилишича, бу Вазирлар Маҳкамасининг 2020 йил 16 мартдаги “Тошкент шаҳар йўловчи транспорти тизимини такомиллаштириш чора-тадбирлари тўғрисида”ги 157-сонли қарорига асосан автобус йўналишларининг ўзаро ҳаракат йўналишини такрорлашини камайтириш мақсадида амалга оширилмоқда.