Лондон суди Ассанжни гаров эвазига озодликка чиқаришни рад этди

Аввалроқ Лондон суди Жулиан Ассанжнинг ҳаётига хавф пайдо бўлиши мумкинлиги боис унинг АҚШга экстрадиция қилинмаслиги тўғрисида ҳукм чиқарганди.

Фото: Dominic Lipinski / ТАСС

Лондон марказий жиноий суди раиси Ванесса Барайтсер Wikileaks асосчиси Жулиан Ассанжни гаров эвазига озодликка чиқаришни рад этди.

Судя Ассанж илгари гаров эвазига озодликка чиқиш шартини бузгани учун ана шундай қарор қабул қилганини айтди.

"Агар жаноб Ассанж бугун озодликка чиқарилса, у апелляцияни кўриб чиқиш учун судга келмаслигига ишончим комил. Шунинг учун у ҳибсда қолиши лозим", – деди судя.

Америка адлия вазирлиги Жулиан Ассанжга қарши 18та айблов эълон қилган. У мазкур айбловлар асосида 175 йилгача озодликдан маҳрум этилиши мумкин.

Тайёрлаган Дилшод Аскаров

#Жулиан Ассанж

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи