London sudi Assanj AQShga ekstraditsiya qilinmasligi to‘g‘risida hukm chiqardi

Foto: Peter Nicholls/File Photo / Reuters

London sudi WikiLeaks asoschisi Julian Assanjning hayotiga xavf paydo bo‘lishi mumkinligi bois uning AQShga ekstraditsiya qilinmasligi to‘g‘risida hukm chiqardi. Bu haqda Vestminster magistrat sudi sudyasi Vanessa Baraytser e'lon qildi. Mazkur ish uning raisligida London markaziy sudida ko‘rib chiqildi.

Sudya Assanj autizm va klinik tushkunlikdan aziyat chekayotganligi hamda o‘z joniga suiqasd qilishga moyilligini e'tirof etdi. Uning so‘zlariga ko‘ra, AQShda bir kishilik kamerada hibsda saqlanish oqibatida Assanjning sog‘ligi jiddiy yomonlashishi mumkin. Shunday qilib, gumondorning hayoti xavf ostida ekanligi uning AQShga topshirilishi rad etilishiga asos bo‘ldi.

Assanjning advokati uning garov evaziga ozodlikka chiqarilishini talab qilishini aytdi.

Amerika adliya vazirligi Julian Assanjga qarshi 18ta ayblov e'lon qilgan. U mazkur ayblovlar asosida 175 yilgacha ozodlikdan mahrum etilishi mumkin.

Tayyorlagan Дилшод Аскаров

#sud #Julian Assanj

Jurnalist, WikiLeaks sayti asoschisi Julian Assanj josuslik mojarolari haqidagi o‘ta maxfiy materiallarni e’lon qilib kelgan. 2010 yilda Shvetsiyada uni hibsga olish uchun order berildi. 2012 yilda Assanj Ekvadorning Londondagi elchixonasiga yashirindi va ushbu davlat rahbariyatidan siyosiy boshpana so‘radi. U yetti yil davomida elchixonada yashadi, 2019 yil 11 aprel kuni Ekvador unga boshpana bo‘yi