Еврокомиссия раиси Урсула фон дер Ляйеннинг қайд этишича, Moderna вакцинаси хавфсиз ва самарали деб баҳоланган.
Фото: Karen Ducey / Getty Images
Европа дори воситалари агентлиги (EMA) АҚШнинг Moderna вакцинасидан коронавирусга қарши курашда фойдаланишга рухсат берди.
"Европа дори воситалари агентлиги (EMA) Moderna вакцинасидан 18 ёшдан катталарда коронавирус тарқалишининг олдини олишда фойдаланиш учун рухсат берди", - дейилади агентлик твиттерида.
Еврокомиссия раиси Урсула фон дер Ляйеннинг қайд этишича, "EMA Moderna вакцинасини хавфсиз ва самарали деб баҳолади".
EMA ижрочи директори Эмер Кук Moderna вакцинаси коронавирус пандемиясини бартараф этишда яна бир восита бўлишини таъкидлади.
Евроиттифоқда ўтган йил декабрда BioNTech ва Pfizer вакцинасидан фойдаланишга рухсат берилганди.
