Дунё бўйича коронавирус юқтириш ҳолатлари сони рекорд даражада ўсди

АҚШ касаллик юқтиришлар сони ўсиши бўйича дунёда биринчи ўринда: бу ерда ўтган ҳафтада 1 млн 786 мингдан ортиқ кишида коронавирус аниқланган.

Фото: TASS/EPA/Stephanie Lecocq

Жаҳон соғлиқни сақлаш ташкилоти коронавирус юқтириш ҳолатлари сони рекорд даражада ўсишини қайд этди: ўтган ҳафтада 5 миллионга яқин янги ҳолатлар аниқланди.

Янги ҳолатларнинг ярмидан кўпроғи – 51 фоизи Шимолий ва Жанубий Америкада қайд этилган. Бунда АҚШ касаллик юқтиришлар сони ўсиши бўйича дунёда биринчи ўринда: бу ерда ўтган ҳафтада 1 млн 786 мингдан ортиқ кишида коронавирус аниқланган.

Янги ҳолатлар аниқланиши бўйича иккинчи ўринда Буюк Британия: бу ерда ҳафталик ўсиш 417 минг 620тани ташкил этди. Кейинги ўринда 313 минг 130та ҳолат билан Бразилия, тўртинчи ўринда 165 минг 167та ҳолат билан Россия турибди.

ЖССТ маълумотига кўра, касалликдан вафот этишлар сони ҳам ўсган: ўтган ҳафтада дунё бўйича 85 мингдан ортиқ ўлим ҳолатлари қайд этилди.

Аввалроқ ЖССТ коронавируснинг яна янги турлари пайдо бўлишидан огоҳлантирганди.

Тайёрлаган Дилшод Аскаров

#коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.