Норматив-ҳуқуқий ҳужжатлар лойиҳалари муҳокамаси порталида профилактика инспекторларини хизмат уйлари билан таъминлашга қаратилган Ҳукумат қарори лойиҳаси эълон қилинди.
Лойиҳада ички ишлар органлари таянч пункти профилактика (катта) инспекторларини 2021-2023 йилларда хизмат уй-жойлари билан таъминлаш чоралари сифатида қуйидагилар кўрсатилмоқда:
- улар хизмат ўтайдиган ҳудудда жойлашадиган хизмат уй-жойлари (зарурат бўлганда шаҳарларнинг якка тартибдаги уй-жойларга эга бўлган маҳаллаларида) қуриш;
- шаҳар жойларда кўп қаватли уйлардан квартиралар сотиб олиш ёки маҳаллий ҳокимликлар томонидан квартиралар ва уй-жойлар ажратиш.
Айтиш жоизки, қарор лойиҳасида 2021–2023 йилларда ички ишлар органлари профилактика инспекторлари учун бевосита улар хизматни ўтайдиган ҳудудда жойлашадиган хизмат уй-жойи билан таъминлаш дастури илова сифатида келтирилиши айтилган бўлса-да, лойиҳа матнида ушбу илова мавжуд эмас.
