Илон Маск вақтинча Twitter’дан фойдаланмаслигини маълум қилди 

“Маълум муддатга Twitter’дан кетаман”, деб ёзган Маск.

Миллиардер ижтимоий тармоқда 2009 йил июнда рўйхатдан ўтган. У шу вақтгача ижтимоий тармоқда 13,4 мингтага яқин твит қолдирган. 

Айни вақтда Маскнинг Twitter’да 45 млнга яқин обуначиси бор. 

Тадбиркор 2019 йил июнда ҳам Twitter’даги саҳифасини фаолсизлаштирганди.

Маск ижтимоий тармоқдаги хабарлари сабабли судга ҳам берилган. 2018 йил августда миллиардер Tesla акцияларини 420 доллардан сотиб олишга тайёрлигини ёзган, бу эса компания акцияларининг 6 фоизга қимматлашиб кетишига олиб келган. Шундан сўнг АҚШнинг қимматбаҳо қоғозлар бўйича комиссияси тадбиркорга қарши иш очиб, буни Маск ўз хабари билан “сармоячиларни чалғитгани” билан тушунтирган.