Қўшимча функционаллар
-
Тунги кўриниш
Эрдўған АҚШни террорчиларни қўллаб-қувватлаётганликда айблади
Туркия билан ҳамкорлик қилиш ва ҳамкорликни давом эттиришни истаганлар террорчиларни қўллаб-қувватламасликлари керак, деб таъкидлади Эрдўған.
Туркия президенти Ражаб Тоййиб Эрдўған Ироқ шимолида Курдистон ишчилар партияси (PKK) террорчилари томонидан турли йилларда ўғирлаб кетилган 13 нафар фуқаронинг ўлдирилишини қоралади.
У Туркия ҳукумати террорчилар томонидан беш йил аввал ўғирлаб кетилган ва яқинда ўлдирилган одамларни қутқариш режасини узоқ вақт давомида ишлаб чиққанини айтди.
Эрдўған Ироқда 10 февралдан буён давом этаётган Pençe Kartal-2 (Бургут чангали) антитеррор операциясининг биринчи босқичида мамлакат шимолида ўнлаб террорчилар ўлдирилганини қайд этди.
У ғарб мамлакатларини терроризмга қарши курашда аниқ позициясини кўрсатишга чақирди. Туркия билан ҳамкорлик қилиш ва ҳамкорликни давом эттиришни истаганлар террорчиларни қўллаб-қувватламасликлари керак, деб таъкидлади Эрдўған.
У АҚШнинг Туркиянинг антитеррор операцияларига нохолисона муносабатда бўлаётганлигига эътибор қаратди.
«Бу қанақаси? Сизлар РКК, YPG ва PYD террорчиларини қўллаб-қувватламасликларингизни айтгандингиз. Уларни нафақат қўллаб-қувватлаяпсиз, балки ҳомийлик ҳам қиляпсиз», - деб таъкидлади Туркия президенти.
