Tesla ва SpaceX асосчиси, миллиардер Илон Маск ўз криптовалютаси номи борасида бир тўхтамга келди. Унга ўз криптовалютасини яратиш ҳақида твиттерда таклиф қилишганди. Маскнинг фикрича, янги криптовалюта Мarscoin деб аталади, бу ҳақда тадбиркор Dogecoin криптовалютаси савдоси ҳақидаги твитлар занжирида ёзди.
«Бу аниқ Mаrscoin бўлади!», дейди Маск суҳбатдошларидан бирига жавобан. Унга Eloncoin вариантини ҳам таклиф қилишди, бироқ Маск уни эътиборсиз қолдирди. Янги «Жаҳон валютаси» ҳақидаги фикрлар Dogecoin эгаларини қўллаб юбориш мавзуси остидаги твитлар занжирида янгради. 15 февралда Маск «дожкоин» эгаларини валюталарини сотмоқчи бўлишса, уларни қўллаб-қувватлашга ваъда берганди. Изоҳларда эса унга ўз валютасини яратишни ва уни «жаҳон валютаси»га айлантиришни таклиф қилишди.
Олти кун муқаддам Маск «ҳодлер-болакай» бўлиши учун кенжа ўғлига (ўғлининг исми X Æ A-12) Dogecoin криптовалютасини сотиб олиб берганини маълум қилганди. Ҳодлер деб криптовалютага сармоя тикадиган ва «сотиб ол ва сақла» деган инвестиция стратегиясига эга бўлишади. Улар бозордаги ҳолатдан қатъи назар валютани ўзида сақлаб қоладиган сармоядорлар.
Маскнинг кенжатойига «дожкоин» сотиб олиб бергани ҳақидаги твитидан сўнг Dogecoin’нинг курси, CoinMarketCap маълумотига кўра, 0,081 долларга кўтарилиб кетди, кейинроқ 0,072 долларга тушди (айни дамда 0,052 доллар). Бу «дожкоин» нархининг Маскнинг твитлари туфайли биринчи бор кўтарилиб кетиши эмас. 2020 йилнинг июнида у твиттерга Dogecoin суратини қўйган ва «бундан қочишнинг иложи йўқ» деб изоҳ қолдирганди. Шундан кейин криптовалюта нархи 14 фоизга кўтарилади. «Биргина сўз – Doge», деб ёзди у ўтган йилнинг 20 декабрида ва криптовалюта июндагидан ҳам кўпроқ қимматлади. Маскнинг ўзи эса твиттердаги биография қисмига «Dogecoin собиқ бош директори» деб ёзиб олди. Январ охирига келиб Dogecoin нархи 0,01 доллар эди. Бироқ Маск Vogue мода журналининг номини Dogue’га ўзгартириб твиттерга қўйгач, криптовалюта нархлари 0,08 долларни ташкил этди.
Икки кунлик танаффусдан кейин твиттерга қайтган миллиардер, ўз твилентасига Диснейнинг «Қирол шер» мультфилмидаги шаман-маймуннинг шербачча Симбанинг ушлаб турганига ўхшатиш қилиб, ўзининг Dogecoin’ни ушлаб турган расмини қўйди ва «Хуш келибсан!» деб ёзди. «Dogecoin - миллий валюта», деб ёзди кейинги твитида Маск.
2013 йилда ҳазил орқасидан яратилган Dogecoin нархи 58 фоизга ошиб, 0,03 доллардан 0,05 долларга кўтарилди. Маск, шунингдек, бошқа криптовалюталарга, жумладан, биткоинга ҳам қизиқиш билдирган. 8 феврал куни Tesla биткоинга 1,5 миллард сармоя киритгани ва уни тўлов воситаси сифатида қабул қилишни бошлаганини эълон қилди. 5 феврал куни Маск твиттердаги профилига #bitcoin ҳэштегини қўшиб олгач, криптовалюта нархи 20 фоиздан кўпроққа ошиб кетди.
