Арманистон мухолифати тинимсиз норозилик намойишлари эълон қилди

Арманистон мухолифати бош вазир Никол Пашинян истеъфога чиққунга қадар норозилик намойишларини давом эттиришини эълон қилди. Бу ҳақда "Интерфакс" ахборот агентлиги хабар берди.

«Шу пайтдан бошлаб биз тинимсиз оммавий норозилик акцияларини бошлаймиз. Мамлакатимизда Никол бор экан, барқарорлик ва осойишталик бўлмайди », - деди “Ватанни қутқариш учун ҳаракат” мухолифат партияси бошқарувчиси Ишхан Сагателян.

У намойишчиларни тўрт томонга тарқалишга ва Ереванни фалажлашга чақирди. Мухолифатчи мақсадлари "Николсиз Арманистон" эканлигини таъкидлаб ўтди ва бунга намойишчиларнинг уюшган ҳаракатлари орқали эришилади.

Тайёрлаган: Шуҳрат Раҳимов

#Арманистон #норозилик намойишлари