Германияда коронавирус мутациялари тарқалмоқда

Фото: Reuters

Германияда коронавирус мутациясини юқтирганлар сони кескин ошди. Бу ҳақда Германия Вазирлар Маҳкамасининг расмий вакили Стеффен Сеиберт айтиб ўтган, деб хабар берди РИА Новости ахборот агентлиги.

“Рақамлар ўсиб бормоқда, янада хавфли ва янада юқумлироқ мутациялар кўпайиб бормоқда, В117 янги аниқланган ҳолатларнинг (юқумли касалликларнинг) 20-25 фоизини ташкил қилмоқда”, деди Сеиберт.

Унга кўра, бу ҳолат янада кўпайиши мумкин.

Германияда 2,3 млн киши коронавирус билан касалланган, 2,2 млн киши соғайган ва 68 минг киши вафот этган.

Аввалроқ Германияда иккита уй мушуклари COVID-19 юқтиргани маълум қилинган эди.

Тайёрлаган Шуҳрат Раҳимов

#Германия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.