Иорданияда давлат тўнтарувига уринишнинг олди олинди

Хабар қилинишича, бир неча киши "хавфсизлик мақсадида" қўлга олинган.

Фото: EPA

Аммонда қироллик оиласи аъзоси Шариф Ҳасан бин Зайд ва қирол Абдулла IIнинг собиқ маслаҳатчиси Бассам Авадалла ҳибсга олинди. Бу ҳақда Иорданиянинг Петра агентлигига таяниб ТАСС хабар берди.

Хабар қилинишича, яна бир неча киши "хавфсизлик мақсадида" қўлга олинган.

Ўз навбатида, "Ал-Маядин" телеканали Аммонда "Абдулла Iiни ҳокимиятдан ағдариш мақсадидаги фитна" фош этилганини маълум қилди.

Телеканалнинг маълумот беришича, собиқ валиаҳд шаҳзода Ҳамза бин Ҳусайн ва бошқа бир неча нафар юқори лавозимли офицерлар уй қамоғида сақланмоқда.