Қозоғистонда камбағаллар сони ошди – тадқиқот

Шу билан бирга, Қозоғистон бой одамлар сони ўсиши бўйича дунёнинг топ-10 мамлакати қаторидан ўрин олган.

Фото: iStock

Қозоғистонликлар камбағаллашиб бормоқда, яшаш минимумидан кам даромад топадиганлар 20 фоизга кўпайди, дейилади Finprom.kz портали ўтказган тадқиқот хулосасида.

2020 йилда яшаш минимумидан кам даромадга эга бўлган оилалар сони 12 фоизга ошиб, 140,6 мингтага етган. Бу оилаларда 858,5 минг киши яшайди – бир йил аввалгига нисбатан 20,1 фоизга кўп.

Порталнинг маълумот беришича, мамлакатда бир йил аввал бундай кам даромадли оилалар сони 125,5 мингта бўлган.

Шу билан бирга, Қозоғистон бой одамлар сони ўсиши бўйича дунёнинг топ-10 мамлакати қаторидан ўрин олган.

Statista.com сайтининг маълумотига кўра, Қозоғистонда 2020–2025 йилда бой одамлар сони 33 фоизга кўпайиши прогноз қилинган.