Qozog‘istonda kambag‘allar soni oshdi – tadqiqot

Qozog‘istonliklar kambag‘allashib bormoqda, yashash minimumidan kam daromad topadiganlar 20 foizga ko‘paydi, deyiladi Finprom.kz portali o‘tkazgan tadqiqot xulosasida.

2020 yilda yashash minimumidan kam daromadga ega bo‘lgan oilalar soni 12 foizga oshib, 140,6 mingtaga yetgan. Bu oilalarda 858,5 ming kishi yashaydi – bir yil avvalgiga nisbatan 20,1 foizga ko‘p.

Portalning ma'lumot berishicha, mamlakatda bir yil avval bunday kam daromadli oilalar soni 125,5 mingta bo‘lgan. 

Shu bilan birga, Qozog‘iston boy odamlar soni o‘sishi bo‘yicha dunyoning top-10 mamlakati qatoridan o‘rin olgan.

Statista.com saytining ma'lumotiga ko‘ra, Qozog‘istonda 2020–2025 yilda boy odamlar soni 33 foizga ko‘payishi prognoz qilingan.